आंबेगाव सुपर २३ उपक्रमाला शिक्षक मित्रपरिवाराचा हातभार

 

आंबेगाव सुपर २३ उपक्रमाला शिक्षक मित्रपरिवाराचा हातभार

आंबेगाव : आयुका आणि इस्रो – नासा यांच्या धर्तीवर आधारित आंबेगाव सुपर २३ हा उपक्रम आंबेगाव पंचायत समितीच्या माध्यमातून यशस्वीरित्या राबविण्यात आला.

या स्पर्धेला यश मिळावे आणि विद्यार्थ्यांना प्रोत्साहन मिळावे या हेतूने जिवाभावाचा शिक्षक मित्रपरिवार, आंबेगाव यांच्या वतीने दहा हजार रुपयांचा मदत निधी देऊन उपक्रमात खारीचा वाटा उचलण्यात आला.

याप्रसंगी आयुका गिरवली तसेच आयुका पुणे येथील टीम उपस्थित होती. तसेच जुन्नर येथील माध्यमिक तज्ज्ञ शिक्षकांनीही कार्यक्रमास उपस्थित राहून मार्गदर्शन केले.

गटशिक्षणाधिकारी रूपाली धोका आणि विस्तार अधिकारी कल्पना टाकळकर यांनी हा निधी स्वीकारला. या उपक्रमासाठी सहकार्य करणाऱ्या जिवाभावाचा शिक्षक मित्रपरिवाराचे मनःपूर्वक आभार मानण्यात आले.

विद्यार्थ्यांमध्ये विज्ञानाविषयी आवड निर्माण करून संशोधनाची प्रेरणा देणारा हा उपक्रम ठरला आहे.

यावेळी जिवाभावाचा शिक्षक मित्रपरिवाराचे सदस्य सुभाष इंदोरे, संदीप बोंबले, शिवाजी बांगर, अरविंद मोढवे, जवाहर हिंगे, संतोष आचार्य, महेश शिंदे, अनिल उनवणे, सखाराम मुंजाळ, भगवंत टाव्हरे, बाळासाहेब लोखंडे, गणेश गावडे, देविदास शेळके, दिलीप भवारी व खंडू येवले यांचे मोलाचे सहकार्य लाभले.